Link açıqlığı

Saatnıñ esas haberi

«Artek»niñ yañı tuğrasını Voronej mektep talebesi uydurdı


Qırımda «Artek» bala merkeziniñ yañı timsali boyunca ğaye yarışında Voronej mektep talebesi Timofey Obolenskiy ğalebe qazandı. Timsal bu sene 90 yıllığını qayd etecek lageriniñ ziyneti olacaqtır.

Resimde yıldız içinde deñiz, dağ ve davul tasvir etilgen, art fonunda ise pioner ocağı kösterile.

Ğalip bu yarış onıñ içün pek emiyetli olğanını bildirdi, çünki onıñ dedesi Ulu Vatan cenki vaqtında Aqyar küreşinde iştirak ete edi.

Belli olğanı kibi, bala lageri timaslini balalarnıñ özlerine uydurmağa teklif etilgen edi. Yarış teşkilâtçıları aselet mütehassıslarnıñ hızmetlerinden vazgeçtiler. Neticede bütün Rusiyeden kelgen 1700 işten saylamağa kerek oldı, haber ete Pervıy kanal.

«Artek – tasilimizniñ, tasilimizde olğan eñ eyi şeylerniñ timsalidir. Bugün biz adetlerimizni birleştirmek kerekmiz, amma bunıñ ile tasil tehnologiyalarına, raatlıq oñaytlılığına, balalarnıñ eñ güzel lagerimizde dostluq müitinde yaşap kelmesine emin adım atmalımız», – dedi Rusiye ükümetiniñ reis muavini Olga Golodets.

Mukâfat olaraq yarış muzaferi lagerge yollanmanı elde etti.

XS
SM
MD
LG