Link açıqlığı

Saatnıñ esas haberi

Arsen Jumadilov: Rusiyeden Qırımda yaşağan Ukraina vatandaşları içün rezident statusını talap etmege kerek


Ukraina prezidentiniñ qırımtatar halqınıñ işlerinden vekâletlisi ofisiniñ bölük reberi Arsen Jumadilov aytqanı kibi, Ukraina devleti Rusiye Federatsiyasından Qırımda yaşağan Ukraina vatandaşlarına rezident statusınıñ berilmesini talap etmeli.

Bunı o, «Qırım işğaliniñ yıllığı» halqara konferentsiyasında bildirdi.

Onıñ aytqanına köre, rezident statusı saylamaq ve saylanmaqtan ğayrı, artıq er şeyge aq bere.

«Vatandaşlarımız işğal etilgen topraqta ne saylamaq, ne de saylanmaqnı tüşüne. Arbiy mecburiyeti olğanlarnıñ sırasına kirmesinler, şusı emiyetlidir», – dep añlattı o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG