Cuma künü, fevral 20-de, Aqmescitniñ merkeziy meydanına Rusiye arbiy tehnikası ve silânı ketirdiler.
Qırım.Aqiqat mühbiri aytqanı kibi, Rusiye silâlandıruvınıñ böyle sergisini mında Vatan qoruyıcı Künü munasebeti ile teşkil ettiler.
Şu cümleden, saba Lenin meydanında BM-21 «Grad» tertibatını, köpçek arbiy tehnika örneklerini yerleştirdiler. Sergide Fevqulâde vaziyetler boyunca nazirlikniñ tehnikası da taqdim etildi.
Er bir silâlanuvnıñ yanında malümat tahtası ve arbiy urbağa kiyingen insan tura edi.
İşbu sergi kelip keçkenlerniñ, esasen gençlerniñ diqqatını celp etti, olarnıñ ana-babaları da memnüniyet ile silâ yanında fotoğa çıqa ediler. Üyleden soñ sergini cıymağa başladılar.
