Qırım akimiyeti sabıq memurlar ile oğraşmaycaq, dedi fevral 20 künü jurnalistlerge Qırımnıñ öz başına tayin eitlgen ükümetiniñ baş naziri, Keriç sabıq şeer başı Oleg Osadçiyge nisbeten açlığan cinaiy işni izaatlap, dep bildire akimiyet tarafdarı Krıminform saytı.
«İnanıñız, bir kimsege bir şeyni hatırlatmaq kibi maqsadımız yoqtır, amma aynı zamanda memurlar şunı añlamaq kerekler ki, insanlardan bir şeyni parağa alğan dolandırıcılar soñra vadelerini yerge ketirmegen oslalar, zariuriy mesülietke celp etilmek kerekler», – dedi Aksönov.
O şunı da qoştı ki, Osadçiyniñ tuvğanları uquq qoruyıcı organlarına yaqalanuvı sebebinden şikâyetni yolladılar.
Aksönovnıñ sözlerine köre, bu adiselerniñ qanuniy seviyesini prokuratura belgilemeli.
Keriç mahkemesi Keriç şeeriniñ sabıq yolbaşçısı Oleg Osadçiyni cumaaqşamı künü, fevral 19-da, eki ayğa qadar apiske aldı. Keriçniñ sabıq meri Oleg Osadçiy fevral 18-de sorğudan soñ 48 saatke yaqalanğan edi.
Rusiyeniñ Cinaiy kodeksiniñ 286-ncı maddesiniñ 2-nci qısmı boyunca (vazifeden tış areketler) cinaiy iş açıldı. Şeer prokuraturası taqiqkat ketişatını nezaret altına aldı.
