Link açıqlığı

İlmi Ümerov: Qırım akimiyetiniñ maqsadı – diqqatnı bölmek, ne Qurultay, ne Meclis oña kerekmey


Qırımtatar Milliy Meclis azası İlmi Ümerov emindir ki, akimiyetniñ qırımtatarlarnıñ temsiliy organı etrafında yapqan areketleri – cemaatnıñ diqqatını daa da müim meselelerden çekmek bir ıntıluvdır.

Bunı o Facebook saifesinde yazdı.

Ümerov şunı da bildire ki, akimiyet Qırımtatar Milliy Meclis azalarını öz stsenariyine celp etip olamaz.

«Çoqusını toplap olamazlar, amma böyle «saçmalıq» olğanda, müim meseleler üzerinde tüşünmek imkânsızdır. Qırımnıñ şimdiki yolbaşçılığına bu kerek, işte. Oña kerçekten de Meclis ya da Qurultay kerekmi? Mesele şunda ki, KEREKMEY !!!» – yazdı Ümerov.

Qırım akimiyeti qırımtatar memurları ile Qırımtatar Milliy Meclisine tesir etip, organnıñ yañı başını saylamağa mecbur ete. Bu vazifede cumhuriyet yolbaşçılığı Devlet Şurası spiker muavini Remzi İlyasovnı körmege istey. Soñkisi yaqın zamanda Meclis yañı Qurultaynıñ keçirilecek künü aqqında bildireceginden emindir.

Mecliste buña kvorum kerek olğanını bildirdiler, şimdi ise o yoqtır. Temsiliy organnıñ başı Refat Çubavov emindir, Meclis azaları, qırımtatar milliy areket faalleri «tarikçilerge qırımtatar milliy areket degerlerini taptamağa izin bermezler».

XS
SM
MD
LG