1954 senesiniñ Qırımnıñ Ukraina terkibine qanunsız berilmesi aqqında qanun leyhası qabul etilse, «diger memleketler tarafından yarımadanıñ Rusiye Federatsiyası terkibine kirmesi de tanılacaq», – dep ayttı cumaaqşamı künü, fevral 19-da, Qırım Cemaat palatasınıñ yolbaşçı muavini Aleksandr Formançuk, dep haber ete RİA Novosti.
«Qanunnıñ qabul etilmesi, şübesiz, Rusiye Federatsiyasınıñ Qırımnı öz terkibine qabul etmek meselesinde küçüni quvetleştirir. Bundan ğayrı, bu Sovet Sotsialistik Cumhuriyetleri Birliginiñ terkibine kirgen Moldova, Orta Asiya ve Kavkaz cumhuriyetleri içün ğayet müim – olar bu qanunğa müsbet qıymet kesecekler», – dep ayttı Formançuk «Rossiya segodnâ» radiosına.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
