Ukraina prezidenti Petro Poroşenkonıñ bildirgenine köre, Rusiye istilâcı memleket olıp, Donbassta barıştırıcı tedbirlerde iştirak etemez, – dep haber ete cumaaqşamı künü, fevral 19-da, Radio Svoboda.
«Bizler çoq biñli Rusiye cenk zıddiyetini qanunlaştıra bilecek barıştırıcı missiyağa razı olmaycaqmız, bunıñ kibi «barıştırıcılar» yete», – dep qayd etti o.
Malüm olğanı kibi, fevral 18-de aqşam prezident Petro Poroşenkonıñ reisligi altında keçirilgen Ukraina milliy havfsızlıq ve mudafaa şurasınıñ toplaşuvında Birleşken Milletler Teşkilâtına muracaatta bulunıp, Ukrainağa barıştırıcı missiyanıñ yollanması aqqında rica etmege qarar alındı.
Fevral 19-da «DNR» liderlerinden biri Eduard Basurin dedi ki, separatistler Ukraina şarqındaki zıddiyet alanına barıştırıcalarnıñ kirsetilmesine qarşı degiller. Separatistler Rusiyeni Donbassqa barıştırıcılar kirsetilmesi aqqında çağırğan ediler.
Ukraina ve Ğarp Rusiyeni Donbasstaki separatistlerge silâ bergeninde qabaatlaylar. Moskva bunı red ete.
