Link açıqlığı

«DNR» barıştırıcılarğa qarşı çıqmağanını bildire


«DNR» liderlerinden biri Eduard Basurin dey ki, separatistler Ukraina şarqındaki zıddiyet alanına barıştırıcalarnıñ kirsetilmesine qarşı degiller.

«Barıştırıcılar aqqında. Zıddiyet başlağanda bizler Rusiye Federatsiyasına ve Havfsızlıq Şurasına (Birleşken Milletler Teşkilâtınıñ – muar.) kirgen memleketlerge meseleni baqıp, mında barıştırıcılarnıñ kirsetmelerini teklif etken edik. O vaqıt bizge yardım etmediler. Lâkin kirsetecek olsalar – biz qarşı degilmiz, kirsetsinler», – dep ayttı o Donetskte olıp keçken matbuat konferentsiyasında.

Fevral 18-de aqşam prezident Petro Poroşenkonıñ reisligi altında keçirilgen Ukraina milliy havfsızlıq ve mudafaa şurasınıñ toplaşuvında Birleşken Milletler Teşkilâtına muracaatta bulunıp, Ukrainağa barıştırıcı missiyanıñ yollanması aqqında rica etmege qarar alındı.

Separatistler Rusiyeni Donbassqa barıştırıcılar kirsetilmesi aqqında çağırğan ediler.

XS
SM
MD
LG