Aqmescitte fevral 18 künü Qırım müendis-pedagogik universitetiniñ yaraştırıcı-ameliy sanat kafedrasınıñ odasında icadiy işlerniñ sergisi açıldı. Eksponatlarnıñ arasında – resimler, yımşaq oyuncaqlar, qırımtatar ve ukrain milliy kiymileri bar edi.
Qırım.Aqiqat mühbiri aytqanı kibi, sergi açılışında ocalar, studentler, QMPU rektorı ve yaraştırıcı-ameliy sanat kafedrasınıñ doktorları iştirak etti.
QMPU rektorı Fevzi Yakubov aytqanı kibi, sergide studentlerniñ eñ eyi işleri taqdim etildi.
«Mında siz Qırımnıñ aenkligini körersiñiz, gençlerimiz Qırımğa sevgi ile yaşağanını körersiñiz. Yarın bu yaşlarımız Qırımnıñ medeniy renkini belgileycek», – dedi rektor.
Sergide studentlerniñ soñki eki yıl içinde yapqan işleri taqdim etildi. Esasen, diplom ve kurs işleri. Yönelişleri farqlı – bediiy keramika, kostüm ve toquma yaraştıruvı ve ilâhre.
В Крыму открылась студенческая выставка искусства
«Diplom kollektsiyamnıñ serlevası – «İndemez Qırım». Er bir kiyimde gizli bir timsal bar. İşlerimde deñiz, dağ, küneş, kök quşağı timsalleri bar. Bu iş üzerinde bir buçuq yıl çalıştım, şimdi qırımtatar qadın kiymleri kollektsiyasını meydanğa ketirecek olam», – tarif etti sergi iştirakçisi, modelyer, QMPU mezunı Nize Emirşah.
Teşkilâtçılarnıñ aytqanı kibi, işbu sergi eki afta devamında açıq olacaqtır.