Link açıqlığı

Antından vazgeçken ve Qırımda Rusiye tarafını alğan ukrain flоtunıñ 6 biñ deñizcisi «Barıştırıcı» saytınıñ (separatist ve terroristlerniñ cinayetleri boyunca) malümat bazasına kirdi

Bunı Ukraina Yuqarı Şurasınıñ deputatı Anton Geraşçenko öz Facebook saifesinde bildirdi.

Onıñ malümatına köre, Rusiye Qara deñiz flotunıñ bazasına irişimni «Aqyarda qalğan belgisiz vatanperverler» açtılar.

«Ne içün rusiyeliler öz zenaatdaşlarına ayaq çalalar bilmeymiz, amma fikrimizce, satqınlarnı kimse sevmey, atta işğalciler de», – dep yazdı Geraşçenko ve yaqında Qırım, Lugansk ve Donetsk vilâyetlerinde işine devam etken mahkemeci, prokurorlarnıñ cedveli peyda olacağı aqqında bildirdi.

Evel deputat 2014 senesi Rusiyeniñ Qırım işğaline qol tutqan Qırım deputatları aqqında malümat istihbaratqa berilecegini bildirgen edi.

Fevral 13 künü Ukraina Yuqarı Şurası Ukraina baş prokurorından Qırım Muhtar Cumhuriyeti Yuqarı Şurasınıñ ve Aqyar şeer şurasınıñ deputatları, Qırımnıñ diger vekâletli şahıslarını mesüliyetke çekmege talap etti. Ukraina parlamentiniñ fikrine köre, Qırım deputatları memleketniñ topraq bütünligini bozğanı ve devlet hainligini etkeni sebebinden cezalanmalı.

XS
SM
MD
LG