OSCE Parlament assambleyasınıñ bürosı fevral 18-de Rusiye Federatsiyasınıñ Olga Kovitidini OSCE PA azası olaraq tayin etmek qararını bir ağızdan lâğu etti. Kovitidi Rusiye Federatsiyası tarafından işğal etilgen Qırım ükümetini temsil etken Federatsiya Şurasınıñ azası olaraq tayinlengen edi.
Berilgen malümatqa köre, Vekâletlerni baquv Büro ve Komiteti Rusiye ve Ukraina eyyetleriniñ muracaatlarını OSCE Parlament assambleyasında diñlep, işni baqmağa başladı.
Vekâletlerni baquv komiteti Rusiye Federatsiyasınıñ Olga Kovitidini tayin etmek qararını 1.1 qaidesi ve «PACE PA terkibinde erkânı ve azalığı qaideleriniñ» 3-ünci qaidesine esaslanıp, lâğu etmege tevsiye ete.
Kovitidi Qırım baş naziri Sergey Aksenovnıñ buyruğı ile aprel 15-te senator olaraq tayinlendi. Onıñ soyadı Avropa Birliginiñ cezalarına oğrağan 15 Rusiye vatandaşı arasında bar. Olarğa viza berilmesi yasaq etile ve esapları qapatılmaq kerek.
