Link açıqlığı

Keriçte yerli akimiyet Qırımnıñ «Tavrika» Dostluq evi» milliy cemiyetler yekâne merkezini binasız qaldıra. Rusiye Federatsiyasında böyle bir birleşmeler yoq eken, bu sebepten «Tavrika» ğayrıdan qayd etilip, binada qalıp olamay.

kerch.com Keriç saytı bildire ki, merkez qapatılması aqqında haber «Tavrikanıñ» on beş yıllığına rastkeldi. Merkez eski bala bağçasınıñ binasında yerleşmekte, mında yunan, leh, italyan ve alman cemiyetleri, «Horo» bulğar cemiyeti, «Geşer» yeudiy-qaray cemiyeti, Keriç kazakları birligi, Qadınlar klubı, «Lira Bospora» Keriç şairleriniñ birleşmesi, belorus, gürci ve ermeni cemiyetleri, «Yıldız» qırımtatar fondu ve Yelena Rerihniñ medeniy-maarif birleşmesi çalışalar.

Bütün teşkilâtlar Keriçte faal çalışıp, bayram, sergi, til derslerini teşkil etken ediler. «Tavrika» Dostluq eviniñ» binasında Afğanistanda cenkleşken keriçlilerge bağışlanğan müzey çalışqan edi.

Cemaatçılar Keriç akimiyetine muracaatta bulunıp, binanı saqlap qalmağa rica ettiler, memurlar ise binanıñ yalıñız bir qısmını almağa teklif ettiler, çünki qalğan qısımları bala bağçasına berilecek.

XS
SM
MD
LG