Link açıqlığı

Saatnıñ esas haberi

Rusiye Federatsiyasında «Qırım Rusiye tarihında» stsenariyler yarışı keçirilecek


Rusiye medeniyet nazirligi ve Kino fondu Rusiye Federatsiyasında işğal etilgen Qırımnıñ tarihiy rolü aqqında stsenariyler yarışını ilân ettiler. TASS malümatına köre, mart 2-den itibaren yarış arizaları qabul etilecek.

Qırım mevzusı – yarışnıñ yekâne mevzusı degil. Neşirniñ bildirgenine köre, iştirakçilerge on mevzu teklif etile, olarnıñ arasında – «Qırım Rusiye tarihında», «1917 senesiniñ 100 yıllığına», «1905 senesiniñ rus-yapon cenki: mağlübiyetke çevirilgen ğalebe», «1991 senesiniñ avgust avdarmasınıñ 25 yıllığına: uydurma ve kerçek».

«Tarih stsenariylerden ğayrı Fond Rusiye Federatsiyasında halqlarnıñ dostluğı aqqında işlerni qabul etmege azır, meşur sportçı ve ğalebeler, sovet ve Rusiye alimleri aqqında işler de qabul etilecek», – aytıla beyanatta.

Yarış ğalipleri stsenariy azırlanmasına 1 million ruble alacaqlar. Keçken yıllarnıñ ğalipleri arasında «Gardemarinı IV» tarihiy serialınıñ devamı olğan «Zloy gorod» tarihiy draması bar.

XS
SM
MD
LG