Kiyevde «Vavilon'13» icadiy birleşmesiniñ «Silâdan küçlü» («Silneye, çem orujiye») filmi numayış etildi. Vesiqalı levha Maydan vaqiaları ve Donbassta terrorizmge qarşı tedbirler başlanması aqqında tarif ete.
Film rejissörları – qırımlı Yaroslav Pilunskiy ve Yuriy Gruzinov.
«Maydanğa çıqqanımız ilk künde bizni beraber toplağan energiyanı qıdırdıq, bu kritik bir energiyadır, bezdik artıq. Bizler bu energiya uyuşığından grajdan cemiyetiniñ şekillenmesini beklemege başladıq», – dedi Pilunskiy.
Eki rejissör 2014 senesi mart ayında Qırım yarımadası işğal etilgende Qırım arbiyleri tarafından esir alınğan edi. Şimdi Pilunskiyniñ Rusiyege kirişi yasaq etildi.
Bir yıl evelsi Yevromaydannıñ barışıq narazılıqları ukrain havfsızlıq quvetleri ile çatışmalarğa çevirildi. Arbiyler ile çatışmalarnıñ neticesi facialı vaqialar oldı. Çatışmalar neticesinde – yanvarniñ yigirminci künleri ve fevral ortalarında – yüzden ziyade faal elâk oldı.
