Link açıqlığı

Aqmescitte qaldırımlar yanında qaldırılağan maşinalar buzlavuqnı yoq etken mahsus tehnikağa keder ete, dep bildireler Aqmescit memuriyetinde.

Malüm olğanı kibi, şeerniñ merkeziy soqaqlarında maşinalar eki sırada tura ve bundan yollarğa qum sepmege qıyın ola.

Ava şaraitleri sebebinden fevral 18 ve 19 künleri Aqmescit memuriyeti vatandaşlarnı şahsiy naqliyatnı qullanmamağa çağıra.

Çarşenbe künü, fevral 18-de, Qırım boyunca furtuna havfı ilân etilgen. Müessiseniñ malümatına köre, Qırım ve Aqmescitte 12-17 m/s, bazı yerlerde 22 m/s şimaliy-şarqiy yelniñ olması beklenile, yollarda buzlavuq saqlanılmaqta. Yarımadada boran, qar yağacaqtır. Ava arareti gece sıfırdan aşağı 8-10 derece, kündüz 2-4 dereceni teşkil etecek.

XS
SM
MD
LG