Link açıqlığı

Saatnıñ esas haberi

Sergeyev: Qırımda «yañıdan birleşüv» degenleri, halqara uquqta – işğal olaraq tanıla


Birleşken Milletler Teşkilâtı yanında Ukraina temsilciliginiñ başı Yuriy Sergeyev BMT Havfsızlıq Şurasınıñ toplaşuvında çıqışta bulunır eken, Rusiyeni Ukrainanıñ anayasa ve ukrain vatandaşları ile dialog pekitilmesi ile bağlı işlerine qarışmamağa çağırdı. O, Rusiye tarafından işğal etilgen Qırımnı da añıp keçti.

«Bugün Qırımda «yañıdan birleşüv» degenleri, halqara uquqta – işğal olaraq tanıla! Noqta. Bunı daa aytacaqmız», – dedi Sergeyev.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG