Link açıqlığı

Qırımnıñ diniy liderleri – Qırım müftisi acı Emirali Ablayev ve Aqmescit Mitropoliti ve Qırım Lazari fevral 17-de yarımada sakinleriniñ diniy ayatı ve milletlerara ve dinlerara barışıq saqlanması ile bağlı meselelerni muzakere ettiler. Bunı Qırım musulmanları Diniy idaresiniñ matbuat hızmeti bildire.

Din erbapları em musulman, em de ortodoks cemiyetlerniñ problemlerini qonuştılar. Din cemiyetleriniñ ğayrıdan qayd etilmesi baqıldı. Qabul etilgen qararğa binaen, «Dünya – Allahnıñ ediyesi» dinlerara şurası Qırım yolbaşçısı Sergey Aksenovğa Rusiye Devlet Dumasından Qırımda yuridik şahıslarnıñ qayd işleriniñ müddetini arttırmaq istegi ricası ile muracaatta bulunacaq.

Qırım müftisi Emirali Ablayev ve Mitropolit Lazar din cemiyetleri içün kommunal hızmetlerniñ fiyatlarını da muzakere ettiler.

Olar cumhuriyette diniy teşkilâtlarnıñ qayd işleri ekspertler şurasınıñ meydanğa ketirilmesini baqtılar.

XS
SM
MD
LG