Ukraina Gürcistannıñ sabıq prezidenti Miheil Saakaşvili ve sabıq adliye naziri Zurab Adeişvilini teslim etmekten vazgeçti. Bunı Gürcistannıñ Baş prokuraturası bildirdi, – dep haber ete Radio Svoboda.
Gürcistan Ukraina ile eki taraflı añlaşma, em de sabıq sovet birliginiñ memleketlerinde qıdırılğan şahıslarnıñ teslim etilmesi aqqında halqara añlaşmalar ve konventsiyalarğa esaslana, lâkin Kiyev eki Gürcistan erbabınıñ berilmesi işinde «iş tutmadı».
Gürcistanda ekisini de cinayetlerde qabaatlaylar, olar ise bunı red etip, bunı şimdiki akimiyet tarafından yapılğan siyasiy taqip olaraq tanıylar.
Ukraina prezidenti Petro Poroşenko fevral 13-te Miheil Saakaşvilini meydanğa ketirilgen İslâtlarnıñ mesleat halqara şurasınıñ reisi olaraq tayin etti. Zurab Adeişvili de Ukraina ükümetine mesleatlar bermekte.
Ukrainanıñ Tbilisideki elçisini bu sebepten Gürcistan Tış işler nazirligine çağırdılar, Gürcistannıñ Ukrainadaki elçisine ise Kiyevden izaatlar almağa avale etildi.
