Link açıqlığı

Mudafaa nazirligi: Debaltsevo civarında ukrain askerleri esir alındı


Ukraina askerleri Debaltsevo yanında, 2015 senesi fevral 12 künü

Ukraina Silâlı quvetleriniñ 101-inci ayrı brigadası ve 8-inci mahsus ayrı polkunıñ arbiyleri yüklerni refaqat etip, esaretke tüştiler – dep haber ete salı künü, fevral 17-de, Mudafaa nazirliginiñ matbuat hızmeti.

Berilgen malümatqa köre, esir alınğan askerlerden biri ağır yaralandı.

Mudafaa nazirligi qayd ete ki, Rusiye ve separatistlerniñ kütleviy haber vastalarınıñ ukrain askerleriniñ esaretke teslim olması ve 120 askerniñ zapt etilmesi aqqında malümatları yañlış, lâkin esaretke tüşken arbiylerniñ sayısı aydınlatılmay.

Boyevikler belli bir müddet devamında «Debaltsevo qazanı» aqqında bildireler. Separatistlerniñ qayd etkenine köre, ATO Debaltsevoğa «ayatnı açacaq» ola, ukrain askerleri ise bu şeerden boyeviklerge ateş açalar.

Fevral 12-de Ukraina, Rusiye, Frenkistan ve Almaniya liderleri Minskte Donbassta fevral 15-ten itibaren ateş kesilmesi ve ağır silâ çekilmesi aqqında añlaştılar. Rejim bozulmaqta, taraflar bir-birini qabaatlaylar. Debaltsevo yanında deşetli uruşlar devam etmekte.

XS
SM
MD
LG