Qurman rayonı Büyük Onlar qasabasınıñ ve İslâm Terek rayonı Tamğacı köy camisinde yüz bergen hırsızlıq boyunca cinaiy işler açıldı.
Bunı Qırım Musulmanları Diniy idaresiniñ matbuat hızmeti bildirdi.
Matbuat hızmetiniñ malümatına köre, Qırım İçki işler nazirliginde bildirile ki, cinaiy işler RF Cinaiy Kodeksiniñ 158 maddesi, 2-nci qısmı boyunca açılğan.
İşbu maddege köre, eki biñ ruble ya da yaqalanğannıñ 18 aylıq qazançı miqdarında para cezası, ya da 480 saatke qadar mecburiy işlerniñ, ya da eki yıllıq tüzetüv işlerniñ, beş yıllıq mecburiy işlerniñ belgilenmesi nazarda tutula.
Aqmescit rayonı Mamaq köyündeki «Yeşil Cami» abravı boyunca cinaiy iş daa açılmadı, deyler QMDİ-de.
Büyük Onlar ve Mamaq camilerinde hırsızlıq fevral 9 künü, İslâm Terek rayonında ise fevral 10-na keçer gecesi yüz berdi.
