Link açıqlığı

Rusiyeniñ Qırım işğaline qol tutqan Qırım deputatları Ukraina Yuqarı Şurasınıñ Qırım siyasetçilerini separatizm sebebinden cezalamaq qararını manasız tanıylar ve cinaiy taqipten qormağanını bildireler.

Böyle izaatnı Qırım.Aqiqatqa Qırım Devlet Şurasınıñ deputatı Sergey Şuvaynikov bildirdi.

«Biz de bugün ukrain akimiyeti qanunsız olğanını ayta bilemiz. Anayasanıñ qaba bozuluvı oldı ve Kiyevde fevral ayında olğan qanunsız avdarmadan soñ olğan şey, işbu akimiyet – qanunsızdır. Şübesiz, böyle munasebetni Ukraina Yuqarı Şurasınıñ deputatlarına nisbeten de bildirmek mümkün», – dedi Şuvaynikov.

Onıñ sözlerine köre, Qırım deputatları Ukraina akimiyeti tarafından cezalardan qorqmaylar. Şuvaynikovnıñ aytqanı kibi, eñ ciddiy qararlardan biri – Avropa Birligine kiriş yasaqlığı ola bile. Amma bundan ne o, ne zenaatdaşları qorqmaz eken.

«Bilem ki, imkânı olğan deputat zenaatdaşlarım bir yerge baracaq olsalar bile, Avropa olmaz. Olar Latin Amerikağa, İndistan, Tailand, Mısır, İsrail, Türkiyege bararlar – şimdiki vaziyetke eyi munasebette bulunğan ve resmiy şekilde olmasa da, amma Qırım – Rusiye olğanını tanığan memleketlerge baracaqlar», – dedi siyasetçi.

Ukraina Baş prokuraturasında separatizmge alâqası bar olğan Qırım deputat ve memurlarına nisbeten cinaiy işlerniñ açılması aqqında haber eteler. Al-azırda qanunsız referendumnıñ teşkil etilmesinde on bir insan şeklene

Fevral 13 künü Ukraina Yuqarı Şurası Ukraina baş prokurorından Qırım Muhtar Cumhuriyeti Yuqarı Şurasınıñ ve Aqyar şeer şurasınıñ deputatları, Qırımnıñ diger vekâletli şahıslarını mesüliyetke çekmege talap etti. Ukraina parlamentiniñ fikrine köre, Qırım deputatları memleketniñ topraq bütünligini bozğanı ve devlet hainligini etkeni sebebinden cezalanmalı.

XS
SM
MD
LG