Link açıqlığı

Ukraina Baş prokuraturası Qırım deputat ve memurlarını separatizmde şekley


Ukraina Baş prokuraturasında separatizmge alâqası bar olğan Qırım deputat ve memurlarına nisbeten cinaiy işlerniñ açılması aqqında haber eteler. Al-azırda qanunsız referendumnıñ teşkil etilmesinde on bir insan şeklene.

Bunı Qırım.Aqiqat saytına Baş prokuraturanıñ matbuat kâtibi Andriy Demartinov bildirdi.

«Taqiqat neticesinde qanunsız referendumnıñ 11 teşkilâtçı ve iştirakçisi ilân etildi», – dedi Demartino.

Onıñ aytqanı kibi, cinaiy ketişat 2015 senesi yanvar 29 künü başlandı. Cinayette QMC Yuqarı Şurasınıñ reisi Vladimir Konstantinov, Aqyar şeer şurasınıñ reisi Yuriy Doynikov ve Qırım parlamenti, Aqyar şeer şurasınıñ deputatları, QMC diger vekâletli şahısları şekleneler.

Fevral 13 künü Ukraina Yuqarı Şurası Ukraina baş prokurorından Qırım Muhtar Cumhuriyeti Yuqarı Şurasınıñ ve Aqyar şeer şurasınıñ deputatları, Qırımnıñ diger vekâletli şahıslarını mesüliyetke çekmege talap etti. Ukraina parlamentiniñ fikrine köre, Qırım deputatları memleketniñ topraq bütünligini bozğanı ve devlet hainligini etkeni sebebinden cezalanmalı.

XS
SM
MD
LG