Salı kününe keçer gecesi artqan ruzgâr sebebinden Keriç keçitiniñ işi toqtaldı. Bunı Qırım.Aqiqat mühbirine Keriç avtovokzalında bildirdiler.
Qıtaiy Rusiye tarafına yürgen avtobuslar Qırım yollarında olğan buzlavuq sebebinden keç qala edi. Yolcularnı evelden furtuna ve keçitniñ qapatıla bilecegi aqqında tenbiyeley ediler.
«Ziyaretni lâğu etmege fırsat olsa, evde qalmağa tevsiye etemiz. Aks alda keçitte oturmağa kerek olur… Yelge bağlı, tınçlansa, sabağace avuştırırlar», – dey dispetçer.
Keçitniñ qapatıluvı aqqında yarı gecege yaqın belli oldı. Şu vaqıtta insanlar Krasnodarğa yürgen avtobuslarnı bekley edi. Avtobuslarnı beklegen yolcularğa biletlerni qaytarmağa teklif ettiler.
Yekâne naqliyat müdirliginde qayd etilgeni kibi, fevral 16 künü ava şaraitleriniñ bozuluvı ve yel küçüniñ 20-23 m/s qadar artması beklenile edi.
