Link açıqlığı

Zaporojyede mecburen köçip kelgen insanlar içün Almaniya tarafından berilgen modullerden yapılğan şeerçikni açtılar. Radio Svoboda bildire ki, bu şeerçik 544 insannı qabul ete bile.

Qurucılıq malzemeleri Almaniya tarafından gumanitar yardım olaraq berildi. Bunıñ kibi şeerçikler Dnepropetrovsk ve Harkov vilâyetlerinde de mevcut.

Kün devamında modul şeerçigine 100 qorantanı yerleştirecek ediler. Şeerçikte yaşav fiyatı bir insan içün 319 grivnanı teşkil etecek. Mında yalıñız kommunal hızmetlerniñ parası alınmaqta. Diger masraflarnı yerli akimiyet ödemege vade ete.

Şeer şurasınıñ malümatına köre, Zaporojyede Donbasstan köçip kelgen 22574 insan qayd etildi.

Fevral 13-te Dnepropetrovsk vilâyetiniñ Pavlogradında Ukrainada eñ büyük modul şeerçigini açtılar, bundan evel ise – Harkovda.

Ukraina İçtimaiy siyaset nazirligi bildirdi ki, vaqtınca köçip kelgen milliondan ziyade insan qayd etildi.

XS
SM
MD
LG