Link açıqlığı

Devlet Duması Ukrainanı Qırımnıñ «ekotsidinde» qabaatlaycaq ola


Rusiye Devlet duması Şimal-Qırım kanalınıñ qapatılması sebebinden Ukrainanı Qırım ekotsidinde qabaatlamağa azırlana. Bunı Devlet dumasınıñ suv resursları komitet reisi Georgiy Karlov bildirdi, – dep haber ete RİA Novosti.

«Bizler Qırımda ekotsid, ekologiya ve insan yaşayışına ketirilgen zarar meselesini bütünrusiye parlament derecesine kötermege azırlanamız. Ukrainanıñ Şimal-Qırım kanalınıñ qapatılması boyunca areketlerini ekotsid olaraq tanımaq mümkün», – dedi o.

Ukraina Dneprden kelgen Şimal-Qırım kanalından Qırımnıñ suv ihtiyaclarınıñ 85% qarşılağan edi. Suv esasen köy hocalıq ihtiyaclarına ketken edi. Qırım işğalinden soñ suv bu kanaldan berilmey. Qırım «akimiyeti» Biyuk-Karasu özeninden Şimal-Qırım kanalına suv berip, problemni qısmen çezecek oldı.

2015 senesi noyabr başında Rusiye ekologiya ve tabiat resursları naziri Sergey Donsköy bildirdi ki, Şimal-Qırım kanalı çalışmasa, Qırımda köy hocalığı inkişaf etmeycek.

XS
SM
MD
LG