Herson vilâyetinde ekimler M-17 Herson – Canköy – Feodosiya – Keriç yolunda büyük yol qazasına oğrap, sağ qalğan qırımtatar ailesiniñ azalarını qorçalamağa tırışalar. QHA bildirgenine köre, facia fevral 15-te aqmaş Herson vilâyetiniñ Kalançay rayonındaki 111-inci kilometrde yüz berdi.
«Mart vaqialarından soñ Vinnitsağa köçken genç qırımtatar ailesi Qırımğa kete edi. DAİ malümatına köre, VAZ-21113 maşinasınıñ aydavcısı Herson tarafından Qırım tarafına kelip, yolda toqtalğan «DAF TE47XS» yük maşinasınıñ «TROUILLET» yarı tirkemesine çarptı», – aytıla beyanatta.
Yol qazası neticesinde vaqia yerinde qırımlı Emine ve onıñ 1 aylıq qızı elâk oldılar. Aqayı Abdurahman ve üç yaşında büyük qızı Nial ağır alda hastahanede bulunalar.
Neşirniñ malümatına köre, erkek ağır alda Kalançak qasabasınıñ hastahanesinde buluna. Qızçıqnıñ yüz, köküs qafesi, qafa miyniñ yaraları bar. Balağa Hersonda ameliyat yapıldı.
Zarar körgenlerniñ soy-sopları aytqanına köre, balağa yardım etmek içün esaplar açıldı, – dep yaza neşir.
