Link açıqlığı

Qırımda ilk analıq sermiyasınıñ sertifikatı berildi


Qırımda ilk analıq sermiyasınıñ sertifikatını Viktoriya Blagoveşçenskaya aldı

Qırımda analıq sermiyasını elde etmege imkân bergen birinci sertifikat berildi. Qırım ükümetiniñ matbuat hızmeti bildire ki, Qırım yolbaşçısı Sergey Aksenov tantanalı sürette vesiqanı qırımlı Viktoriya Blagoveşçenskayağa berdi.

Bu vesiqa 453 biñ ruble miqdarında «analıq sermiyasını» qullanmaq aqqını tasdıqlay.

Viktoriya Blagoveşçenskayanıñ aytqanına köre, o, yanvar 12-de ariza bergen edi, paranı üç balasınıñ aliy oquv yurtlarında tasil almasına sarf etecek ola.

«Al-azırda esas vazifemiz – bürokratik problemler ve nevbetler olmaması içün işni teşkil etmektir», – dedi Aksenov.

2014 senesiniñ avgust başında Rusiye prezidenti Vladimir Putin Qırım ve Aqyar sakinlerini analıq sermiyasını berüv programmasına kirsetmege avale etken edi. Ekinci, üçünci ve ondan soñra balanı alğan vatandaşlar analıq sermiyası aqqını qazanalar.

XS
SM
MD
LG