Link açıqlığı

Qırım İçki işler nazirligi: Yalta vokzalında adamlarnı tahliye etip, telükeli bir şey tapmadılar


Fevral 16-da Yalta avtovokzalında tapılğan belli olmağan bir aletten sebep vokzal hadimleriniñ bir qısmını tahliye ettiler.

Bunı Qırım İçki işler nazirliginiñ matbuat hızmeti bildire.

«Vatandaşlarnıñ havfsızlığını temin etmek maqsadı ile territoriyanı politsiya hadimleri sarıp aldı. Teşkerüv neticesinde adamlar içün telüke ola bilecek bir şey tapılmadı. Vaqia boyunca teşkerüv keçirilmekte», – aytıla beyanatta.

Qırım.Aqiqat bildirgeni kibi, Yalta avtovokzalınıñ aşağı platformasında belgisiz bir aletni taptılar, bu sebepten platformanı politsiya ve Fevqulâde işler nazirliginiñ hadimleri sarıp aldılar.

Vokzal hadimi aşağı platformada hucur bir areket etken erkekni kördi. Soñra, adam ketti, madde ise merdiven astında qaldı.

Eski radioğa oşağan aletni tapqan qaravul bunı politsiya ve Fevqulâde işler nazirligine bildirdi. Şimdilik avtovokzalnıñ aşağı platforması sarıp alınğan.

XS
SM
MD
LG