Yalta avtovokzalınıñ aşağı platformasında belgisiz bir aletni taptılar, bu sebepten platformanı politsiya ve Fevqulâde işler nazirliginiñ hadimleri sarıp aldılar.
Qırım.Aqiqatqa aytılğanı kibi, fevral 16 künü vokzal hadimi aşağı platformada hucur bir areket etken erkekni kördi. Soñra, adam ketti, madde ise merdiven astında qaldı.
Eski radioğa oşağan aletni tapqan qaravul bunı politsiya ve Fevqulâde işler nazirligine bildirdi. Şimdilik avtovokzalnıñ aşağı platforması sarıp alınğan.
Al-azırda vaqia yerinde Aqmescitten kelecek patlav aletleri boyunca mütehassılarnı bekleyler, Federal havfsızlıq hızmetiniñ hadimleri çalışmaqta.
