Rusiye aliy oquv yurtlarınıñ mezunlarına Qırım ve Kavkazğa göñülli devlet üleştirüv sistemasını teklif etecekler. Bunı İzvestiya gazetası bildire.
Gençler işleri boyunca federal agentliginiñ başı Sergey Pospelovnıñ aytqanı kibi, şimdi müessisede Qırımğa üleştirüv sistemasını azırlaylar, mında, onıñ sözlerine köre, devlet müessiselerinde hadim yetişmey. Bunıñ ile mezunlarğa Şimaliy Kavkaz ve Uzaq Şarqnı teklif etecekler.
Pospelovnıñ aytqanına köre, işbu üleştirüv sisteması Qırım işleri boyunca nazirlikniñ ricası ile peyda olacaqtır.
«Region akimiyeti bizge rica etti. Şimdi biz regional akimiyet ile işbirliktemiz, ileride sistemanı diger regionlarğa da tarqatacaqmız», – dedi Pospelov.
O şunı da qayd etti ki, teklif etilgen vazifelerge yarış boyunca keçmege mümkün olur. Studentler arizalarını qaldıralar, şorbacılar ise olarğa mesken ve normal iş şaraitlerini temin ete.
