Link açıqlığı

Bu sene Qırımda Yekâne devlet imtianını üç biñ talebe bermege istedi.

Bunı Tasil ve ilim saasında nezaret boyunca federal hızmetiniñ yolbaşçısı Sergey Kravtsov bildirdi, haber ete Rusiye ükümetiniñ matbuat hızmeti.

Onıñ malümatına köre, bu sene yarımadada 20 biñge yaqın mezun olacaq, olardan 15% imtianğa qoşulacaq.

Beyanatta şunı da qayd eteler ki, Qırım ve Aqyar talebeleri içün bu sene Yekâne devlet imtianı mecburiy olmasa da, er kes onı bere bile.

Yarımadada berilgen diplom ve attestatlar Ukrainada tanılmay, mektep mezunlarına ZNO bermek içün memleketniñ qıtaiy qısmında yerleşken mekteplerde attestatsiyadan keçmek kerek. Qırımlılar içün eñ oñaytlı şaraitlerni Halqara ukrain mektebi teklif ete, mında imtianlarnı internet vastası ile bermege mümkün.

Ukraina Tasil ve ilim nazirliginde bildirilgeni kibi, Rusiye tarafından işğal etilgen Qırım, Donbass mezunları ukrain attestatlarnı ala ve ukrain aliy oquv yurtlarına kire bileler.

XS
SM
MD
LG