Cumaertesi künü, fevral 14-te, saat 12-de Qırımtatar akademik muzıkalı drama teatrinde Dagestan icracısı Hadis Sabiyevniñ iştiraki ile ilâhiyler kontserti keçirilecek.
Qırım musulmanları diniy idaresiniñ matbuat hızmeti bildirdi ki, Sabiyevniñ kontserti Aqmescitte ilk sefer ötkerile. Tedbir «Doğru qıymetler» Qırım-Dagestan medeniy maarifçi leyhası çerçivesinde keçirilmekte.
Qırım tarafından kontsertte Qırımda nam qazanğan artist Rustem Memetov ve ilâhiylerniñ genç icracısı Bekir Adilov iştirak etecekler.
«Diñleyciler arap, qırımtatar, rus ve avar tillerinde ilâhiylerni diñleycekler. Balalarnı ediyeler, tatlı bekley. Er kes davetli, kiriş serbest», – dep bildirdi matbuat hızmeti.
İlâhiyler – Allahqa sevgi duyğusını aks ettirgen yırlardır.
