Link açıqlığı

Qırımda qırımtatar istihbaratçısı aqqında film ve kitap taqdim etildi


Qırımda «Qırım efsanesi» filmini kösterdiler. Levha vazifesini yapıp elâk olğan arbiy istihbaratçı Alime Abdennanova aqqında tarif ete.

Qırım ükümetiniñ matbuat hızmeti bildirdi ki, tantanalı tedbirde Rusiye prezidentiniñ Qırımdaki temsilcisi Oleg Belaventsev, Qırım Nazirler Şurası reisiniñ muavini Ruslan Balbek, Alime Abdunnanovanıñ soy-sopları, cenk veteranları iştirak ettiler.

«Alime Abdennanova – Rusiye Qaramanı unvanını qazanğan yekâne qırımtatar musulman qadını. Bu genç qız qaramanlıq kösterip, ğalebemizge büyük issesini qoştı», – dep qayd etti Ruslan Balbek.

Onıñ aytqanına köre, «Alime. Qırım efsanesi» kitabınıñ taqdim merasimi ve filmniñ numayışı müim bir vaqia.

Matbuat hızmeti qayd ete ki, Alime Abdennanovanıñ taqdiri Rusiye Federatsiyası Mudafaa nazirliginiñ belli olmağan Ulu Vatan Cenkiniñ qaramanlarını qıdıruvı boyunca arhiv vesiqaları sayesinde ögrenildi.

Rusiye prezidentiniñ 2014 senesi sentâbr 1-de çıqqan buyruğına köre istihbaratçığa «faşist işğalciler ile küreşte kösterilgen cesaret ve qaramanlığı içün» Rusiye Federatsiyasınıñ Qaramanı unvanı berildi.

XS
SM
MD
LG