Link açıqlığı

Tış işler nazirligi: Ukraina biometrik pasportları halqara standartlarnıñ teşkerüvinden keçti


Çetel mütehassısları Ukraina Tış işler nazirleri yollağan yañı biometrik pasportlarnı teşkerip, vesiqalarğa müsbet qıymet kestiler. Bunı fevral 13-te Ukraina Tış işler nazirliginiñ matbuat hızmeti bildire.

«Nazirlik çetel mütehassıslarnıñ Ukraina Tış işler nazirligi yollağan biometrik pasport vesiqalarınıñ havfsızlığı boyunca teşkerüv neticeleri aqqında müsbet cevap alıp, imaye, dizayn, poligrafik işlerniñ keyfiyeti ve yañı ukrain pasportlarınıñ fuktsiyalarına yüksek qıymet kesilgenini ögrendi», – aytıla beyanatta.

Ukraina Tış işler nazirligi qayd etti ki, Ukraina biometrik pasportı halqara standarlarğa uyıp, yol vesiqaları saasında eñ yüksek tehnologiyalarğa hastır.

Bunı pasportlarnı azırlağan GP «Poligrafiçeskiy kombinat «Ukraina» müessisesi FOGRA Almaniya institutından alğan teşkerüv neticeleri tasdıqlay. Nazirlik qayd ete ki, pasportqa «ğayet yüksek bir seviyede» qıymet kesildi.

XS
SM
MD
LG