Donetsk vilâyetinde Artemovsk şeerine boyevikler tarafından açılğan ateş aqibetinde bala elâk oldı, daa 5 adam yaralandı. Bunı fevral 13-te Donetsk vilâyeti devlet memuriyetiniñ matbuat hızmeti bildirdi, – dep haber ete Radio Svoboda.
Donetsk vilâyetinde İçki işler nazirligi idaresiniñ yolbaşçısı Vâçeslav Abroskin Facebook saifesinde bildirdi ki, yedi yaşında bala elâk oldı. Onıñ aytqanına köre, boyevikler «Graddan» şeerge ateş açtılar, Zagorodnaya soqağı, 22 adresi boyunca №4 mektebiniñ yanında darbe tüşti.
Militsiyanıñ taqiqat-operatik gruppası çalışmaqta.
Separatistler Artemovskqa açılğan ateşni izaatlamaylar.
Fevral 3-te Birleşken Milletler Teşkilâtı Ukraina şarqında zıddiyet qurbanlarınıñ sayısı 5358 insanğa qadar artqanını bildirip, tarafları vaziyet kerginleşmesini toqtatmağa çağırdılar.
Fevral 12-de Minskte Ukraina, Rusiye, Frenkistan ve Almaniya liderleri fevral 15-ten itibaren ateş toqtatılması aqqında añlaştılar. ATO ştabı qayd ete ki, Donbassta ücümler toqtatılmay, olarnıñ küçü ise artmaqta.
