Link açıqlığı

Saatnıñ esas haberi

Qırım studentleri mart 1-ne qadar qıtaiy Ukrainanıñ aliy oquv yurtlarına keçe bileler


2015 senesi mart 1-ne qadar işğal etilgen Qırımdaki aliy oquv yurtlarınıñ studentleri qıtaiy Ukrainada yerleşken aliy oquv yurtlarına keçe bileler. Bu aqqında Ukraina prezidentiniñ qırımtatarlarnıñ işlerinden vekâletlisi Mustafa Cemilevniñ Facebook saifesinde aytıla.

«Ukrainanıñ vaqtınca işğal etilgen topraqlarda vatandaşlarnıñ aq-uquqları ve serbestligini temin etüv aqqında» Ukraina qanunına binaen, abituriyetler ve studentler içün Ukrainanıñ aliy oquv yurtlarında bücet yerleri mevcut.

Berilgen malümatqa köre, 2014 senesi işğal etilgen topraqta aliy tasil aqqında «vesiqa» alğanlar Ukraina qanunlarına uyğan vesiqanı ala bileler. Bunıñ içün Qırımda alğan vesiqa ve pasport kopiyasını Ukraina tasil ve ilim nazirliginiñ elektron adresine yollamaq kerek.

2015 senesinde oquşını bitirgen studentlerge vesiqalarnı berüv esnası daa belgilenmedi. Ukrainada ve dünyanıñ diger memleketlerinde tanılacaq vesiqalarnı almağa istegen Qırım studentlerine oquşını qıtaiy Ukrainada yerleşken aliy oquv yurtlarında devam etmege tevsiye etile.

Qayd etile ki, 2014 senesi Qırımdaki aliy oquv yurtlarından qıtaiy Ukrainanıñ aliy oquv yurtlarında oqumağa keçken studentler bücet yerlerini qazandılar.

XS
SM
MD
LG