Link açıqlığı

Ukraina prezidentiniñ qırımtatar halqınıñ işlerinden vekâletlisi Mustafa Cemilev işğal etilgen Qırım sıñırında qaparcılıqnıñ artmasını qayd ete.

Bunı Tsentr jurnalistskih rassledovaniy bildire.

Cemilevniñ aytqanı kibi, qapar em Rusiye, em Ukraina sıñır noqtalarınıñ hadimleri tarafından esasen yük taşıyıcılardan alına.

«Sıñırımız pek açıqtır. Qaparcılıq artmaqta. Yahşı ödeseñ, er şeyni kirsete bilesiñ. Hususan yük taşıyıcıları. Evel bir tonna içün 300 grivna talap ete ediler. Şimdi inflâtsiya olğanından sebep fiyatlar daa da köterildi», – dey o, ve Rusiye sıñır bekçileri qaparlarnı em ruble, em grivnalarda alğanını qayd ete.

Qırım ile memuriy sıñırda qaparcılıq meselesi aqqında em siyasetçi, em uquq qoruyıcı teşkilâtları bildirgen ediler, bu sebepten Ukraina Devlet sıñır hızmeti bir sıra teşkerüv keçirgen edi. Bundan soñ vaziyet biraz eyileşti.

XS
SM
MD
LG