Link açıqlığı

Ukraina Yuqarı Şurası Baş prokuraturadan Qırım deputatlarına nisbeten cinaiy işlerni açmağa talap ete


Qırım parlamenti

Ukraina Yuqarı Şurası Ukraina baş prokurorından Qırım Muhtar Cumhuriyeti Yuqarı Şurasınıñ ve Aqyar şeer şurasınıñ deputatları, Qırımnıñ diger vekâletli şahıslarını mesüliyetke çekmege talap ete.

Şu cümleden, ukrain deputatları Qırım Yuqarı Şurasınıñ reisi Vladimir Konstantinov ve Aqyar şeer şurasınıñ reisi Yuriy Doynikovnı cezalamağa isteyler.

Ukraina baş prokurorı on kün içinde Ukraina Yuqarı Şurasını işbu avaleniñ amelge keçirilmesi boyunca haberdar etmek kerektir.

Qırım deputatlarınıñ mesüliyetke celp etilmesi boyunca teklifni parlamentke Anton Geraşçenko kirsetti.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG