Link açıqlığı

Yaş qırımtatar oyuncıları Moskva yarışında ğalebe qazandılar


Qırım yaş oyuncıları Timur Aliyev ve Kamile Eyupova Moskvada keçirilgen «Qış Yıldızı – 2015» sport oyunları boyunca er yıllıq festivalinde ğalebe qazandılar.

Bu aqta ATR telekanalı bildire.

Festivalde Rusiyeniñ çeşit regionlarından kelgen oyuncı iştirak etti. Qırım çifti eki kategoriyada ğalebe qazandı.

Timur ve Kamile beraber endi bir qaç sene devamında oynaylar ve Qırım çempionları olalar.

«Biz Timurnen 4 yıl oynaymız. Bizde endi 46 medal bar. Kelecekte dünya çempionları olmağa isteymiz!», – dedi Kamile.

İstidatlı yaş qırımlılarnıñ ğalebeleri arasında – «Ses balalar» ukrain istidat yarışı. Mında «Dohtur» qırımtatar halqı yırını icra etken İslâm Terek qasabasınıñ 12 yaşındaki sakini Aliye Bekirova ğalebe qazanğan edi.

XS
SM
MD
LG