Link açıqlığı

Qırımda «Arqadaş» uquq qoruyıcı teşkilâtınıñ reisi Ayder İsmailov medeniy asabalıqnıñ qoruv saasında devlet nezaret bölüginiñ mesleatçısı Denis Çihradzeniñ Aqmescitte Şmidta, 2 adresi boyunca yerleşken Qırımtatar Milliy Meclis binasınıñ teşkerüvi vaqtında etken areketlerine itiraz bildirmek niyetindedir. Bunı Ayder İsmailov QHA agentligine bildirdi.

Teşkerüv neticesinde memuriy bozuluv aqqında eki protokol tizildi, biri «Qırım» fonduna nisbeten, digeri fondunıñ baş müdiri Riza Şevkiyevge.

Neşir bildirgeni kibi, uquq qoruyıcı Denis Çihradzeniñ areketlerini qanunsız tanımağa talap ete.

İşğal etilgen Qırımda yanvar 15-de «Qırım Cumhuriyeti Yuqarı mahkemesinde» «Qırım» Fondu» hayriye teşkilâtı işi boyunca mahkeme toplaşuvı keçirildi. Toplaşuv qırımtatarca keçmek kerek edi, amma mahkeme «buña azır degil edi». «Qırım» fondunıñ başı Riza Şevkiyev aytqanı kibi, toplaşuvnıñ keçirilmesini muayyen bir sebeplerden başqa künge qaldırdılar.

Haber etilgeni kibi, fondnıñ baş müdiri Riza Şevkiyev oña 350 biñ ruble, fonduna ise – 4,5 million ruble para cezasınıñ belgilenmesi boyunca Aqmescitniñ Kiyev rayon mahkemesiniñ qararına itiraz beyannamesini yazğan edi.

Fond ve onıñ başına nisbeten mahkeme toplaşuvları keçken sene dekabr ayında keçirilmek kerek edi, amma olarnı bir qaç kere başqa künge qaldırğan ediler. Şevkiyev mahkeme toplaşuvınıñ qırımtatar tilinde keçirilmesini de bir qaç sefer sorağan edi.

XS
SM
MD
LG