Link açıqlığı

Cumaaqşamı künü, fevral 12-de, boyevikler Donbassta terrorizmge qarşı tedbirlerni (ATO) keçirgen quvetlerniñ noqtalarına 69 kere ateş açtılar. ATO matbuat merkezi Facebook saifesinde bildire ki, boyevikler 12 kere toplarnı, 26 kere minaatıcı, 14 kere Grad ve beş kere tanklarnı qullandılar.

«Deşetli çatışmalar Debaltsevo tarafında devam etmekte. Duşman ücümlerinden eñ büyük zarar Debaltsevo, Çernuhino, Kamenka kördiler. Boyevikler bu mesken yerlerniñ yanında olğan noqtalarımızğa üç kere ücüm ettiler. Donetsk tarafında Vodânoye, Avdeyevka, Peskige ateş açıldı. Kün devamında ukrain askerleri duşmanğa tuvğan toprağınıñ bir metrini bile bermediler», – aytıla beyanatta.

Boyevikler Mariupol tarafında da faal olmağa başladılar. Cumaaqşamı künü, fevral 12-de, sabadan berli olar Pervomayskoyege graddan ateş açtılar. Toplarnıñ ateşi altında Nikolayevka ve Çermalık qaldılar.

17 saat sürgen Minsk körüşüvinde Ukraina, Rusiye, Almaniya ve Frenkistan liderleri fevral 15-ten itibaren ateş toqtatılması aqqında añlaştılar. Ağır silâ çekilmek kerektir.

Frenkistan prezidenti François Hollande Minskte tizilgen añlaşmalarnı «Avropa içün qolaylaştıruv» ve «Ukraina içün bir ümüt» dep adladı.

XS
SM
MD
LG