Link açıqlığı

Keriçniñ parom keçitiniñ işini toqtatqan bozğun ava sebebinden yengil ve yük maşinalarınıñ tıqanıqlığı ep artmaqta. Yekâne naqliyat müdirliginiñ malümatına köre, fevral 12-de aqşam paromdaki nevbette 2450 maşina tura.

Soñki malümatlarğa köre, «Kavkaz» limanında 420 yengil maşina ve 60 yük maşinası parom sırasını beklemekte, «Qırım» limanında – 160 yengil ve 15 yük maşinası.

Keriç keçitinde areket ğayrıdan tiklenmey, çünki ruzgâr esmekte. Yel süratı saniyede 28 metrni teşkil ete. Tahminlerge köre, fevral 13-te ava açılacaq, yel süratı saniyede 17 metrden ziyade olmaycaq.

Al-azırda «Novorossiysk» limanında 291 yük maşinası, Slavânsk-na-Kubani şeerinde 905 yük maşinası, Keriç ava limanında ise 600 yük maşinası nevbetini bekley.

Qırım naqliyat naziri Anatoliy Tsurkin bildirdi ki, Qırımda ava bozulğanından sebep Keriçniñ parom keçiri fevral 12-13 künleri qapalı olacaq.

Qırımnıñ gidrometeorologiya regional merkeziniñ malümatına köre, fevral 12-de qar yapışması, buzlavuq, 100-500 metrlik tuman, saniyede 17-22 metrni teşkil etecek şimal-şarq yeli esecektir. Yollarda buzlavuq olacaq.

XS
SM
MD
LG