Link açıqlığı

Avropa Birligi Donbassta zarar körgenlerge yardım olaraq 15 million euro ayıracaq


Avropa Birligi Donbassta zarar körgenlerge gumanitar yardım köstermek içün 15 million euro qoşma olaraq ayıracaq. Bunı Avropa Komissiyasınıñ prezidenti Jean-Claude Juncker Ukraina prezidenti Petro Poroşenko ile körüşüvinde cumaaqşamı künü, fevral 12-de, Brusselde bildirdi.

Devlet yolbaşçısınıñ matbuat hızmeti bildire ki, Petro Poroşenko subetdeşine Minsk muzakereleriniñ neticeleri aqqında tarif etti. Jean-Claude Juncker Avropa Birliginiñ Donbassta zarar körgen adamlarğa yardım etmek azırlığını tasdıqladı. Petro Poroşenko ve Jean-Claude Juncker Ukraina ile vizasız rejimniñ qabul etilmesi içün eñ esas vazifelerni Rigadaki «Şarqiy işbirlik» sammitinde belgilegen ediler.

17 saat sürgen Minsk körüşüvinde Ukraina, Rusiye, Almaniya ve Frenkistan liderleri fevral 15-ten itibaren ateş toqtatılması aqqında añlaştılar. Ağır silâ çekilmek kerektir.

Frenkistan prezidenti François Hollande Minskte tizilgen añlaşmalarnı «Avropa içün qolaylaştıruv» ve «Ukraina içün bir ümüt» dep adladı.

XS
SM
MD
LG