Link açıqlığı

Saatnıñ esas haberi

Nadejda Savçenkonıñ adliyecisi dey ki, onı afu ya da mefa boyunca azat etecekler


Nadejda Savçenko mahkemede, 2015 senesi fevral 10 künü
Nadejda Savçenko mahkemede, 2015 senesi fevral 10 künü

Nadejda Savçenkonı afu ya da mefa esasında azat ete bileler. Bunı ukrain uçucısınıñ adliyecisi Nikolay Polozov Radio Svobodağa bergen izaatlarında bildirdi. Onıñ qayd etkenine köre, eñ esası – Rusiye siyasiy reberliginiñ qararı.

Onıñ qayd etkenine köre, adliyeciler Polozov, Feygin ve Novikov Nadejda Savçenko azat etilgenine ve Ukrainada bulunğanına qadar olar onı qoruycaqlar.

Ukrain uçucısınıñ imayecileri İnsan aqları Avropa mahkemesinden şikâyet cevabını aldılar. Eñ yaqın vaqıtta, adliyeciniñ aytqanına köre, qarar olmalı.

Cumaaqşamı künü, fevral 12-de, Ukraina prezidenti Petro Poroşenko bildirdi ki, Minskte ukrain uçucısı Nadejda Savçenkonı azat etmege añlaştılar. O, onı azat etecekleri künniñ sanını aytmadı.

Moskva Basman mahkemesi fevral 10 künü uçucı Nadejda Savçenkonıñ tevqifini mayıs 13-ne qadar uzatqan edi.

Rusiye akimiyeti Savçenkonı iyün 17 künü Lugansk civarında Rusiye jurnalistleriniñ ölüminde qabaatlay. Ukrain uçucısı qabaatnı red ete ve bundan evel separatistler tarafından zapt etilip, Rusiyege ketirilgenini bildire. Yanvarniñ soñunda Savçenkoğa nisbeten – sıñırdan qanunsız keçüv boyunca cinaiy iş açıldı.

SİZOda Savçenko qanunsız tevqifine narazılığını bildirip, açlıqnı ilân etti.

Yanvarde Savçenkonı PACE vekili olaraq qayd ettiler ve halqara immunitetni berdiler. PACE Rusiye akimiyetini Savçenkonı azat etmege çağırdı.

XS
SM
MD
LG