Link açıqlığı

Saatnıñ esas haberi

«Ukrzaliznıtsâ»: Qırım ve Rusiye arasında yolcular aqını 95%-ğa eksildi


Aqmescit demir yol vokzalı
Aqmescit demir yol vokzalı

2014 senesi Qırım tarafında yolcular aqını eksildi. Bunı «Ukrzaliznıtsâ» müessisesi uzaq taşımalarınıñ yolcular aqını departamentiniñ yolbaşçısı İgor Breus fevral 12-de brifingde bildirdi.

Onıñ aytqanına köre, 2014 senesiniñ neticelerine binaen, Qırım ve Rusiye arasında yolcular aqını 1,4 millionğa eksildi – 2013 senesine nisbeten 95%-ğa qadar. Qırım tarafında qıtaiy Ukrainadan da yolcular aqını eksildi. 2014 senesi Ukraina demir yollarınıñ trenlerine satılğan biletlerniñ sayısı 60%-ğa eksildi.

«Ukrzaliznıtsâ» Ukraina ve Rusiye arasında da yolcular aqınınıñ eksilmesi aqqında bildire.

Malüm ki, havfsızlıq tedbirleri quvetleşkeninden sebep Qırımğa qatnağan trenlerniñ yolu keçken seneniñ dekabr 27-den itibaren Novoalekseyevka, Herson, Zaporojye, Lisiçansk ve Artemovsk stantsiyalarına qadar sıñırlandı.

XS
SM
MD
LG