Link açıqlığı

Lısenko: tank, «Grad» ve «Uraganlar» Ukrainağa Rusiyeden kirdi


Keçken gece Rusiyeden Ukrainağa, terrorizmge qarşı tedbirler (ATO) alanına, tank ve Gradlar kirdi, dep haber etti ATO vekili Andriy Lısenko.

«Fevral 12-ne keçer gecesi İzvarino mesken yeri yanında Rusiye-Ukraina sıñırından elli tank, qırq «Grad», «Uragan», «Smerç», ve bu qadar BTR kirdi», – dep bildirdi o, RNBO haber analitik merkeziniñ malümatlarını aydınlatıp.

«Duşman eñ telükeli taraflarda – Lugansk vilâyetiniñ şimal-şarqında ve Debaltsevo tarafında – küçlerini quvetleştirmege devam etmekte», – dedi Lısenko.

Fevral 11-niñ aqşamından fevral 12-niñ sabasına qadar Misnkte Ukraina, Rusiye, Almaniya ve Frenkistan liderleriniñ Ukrainadaki vaziyeti boyunca körüşüvleri keçirildi. Taraflar Donbassta fevral 15-ten itibaren ateş toqtatılması aqqında añlaştılar. Bundan ğayrı, ağır silâ çekilmek kerek.

Ukraina prezidenti Petro Poroşenkonıñ aytqanına köre, Rusiye Kiyevge qabul etilmeycek şartlarnı seslendirdi. Onıñ bildirgenine köre, Ukraina Donbass içün federalizatsiya ya da muhtariyetke razı olmadı.

Frenkistan prezidenti François Hollande Minsk añlaşmalarını «Avropa içün qolaylaştıruv» ve «Ukraina içün ümüt» dep adladı.

Almaniya kantsleri Angela Mepkel Minsk muzakereleriniñ neticesinde bildirdi ki, Ukraina içün «ümüt peyda oldı».

Rusiye Ukraina şarqında ordusı ve tehnikası olğanını red ete.

XS
SM
MD
LG