Qırımtatar Milliy Meclis azası İlmi Ümerov Minskte fevral 12 künü qabul etilgen yañı vesiqalarda Qırım meselesiniñ yoq olğanını qayd etti.
«Ya Qırım??? Ukraina topraq bütünligi aqqında aytılğanda, onı da nazarda tutmaq kerek, ğaliba…», – dep yaza o öz Facebook saifesinde.
Ukraina prezidenti memuriyetiniñ baş muavini Valeriy Çalıy bildirgenine köre, Minsk muzakerleriniñ neticesinde eki vesiqa qabul etildi: «Minsk añlaşmalarınıñ amelge keçirilmesi boyunca tedbirler kompleksi» ve Mezkür qararlarnıñ Ukraina, Frenksitan, Rusiye prezidentleri ve Almaniya kantsleri tarafından alğınşlanılğan destek beyannamesi.
İşbu vesiqalarnıñ esas noqtaları: cumaertesinden bazar kününe keçer gecesi ateş toqtatuvı, ağır silâlanuvnıñ qaytarılması, OSCE nezareti, qanunsız sürette tutulğan mabüslerniñ azat etilmesi, Rusiye ile sıñırda ukrain nezaretiniñ tiklev cedveli.
Ukraina prezidenti Minsk körüşüvi kergin olğanını bildirdi. Onıñ aytqanı kibi, ukrain tarafına şartlar qoyulğan edi.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
