Link açıqlığı

Ukraina prezidenti Petro Poroşekno Minskte keçirilgen muzakereler neticesinde uçucı Nadejda Savçenkonıñ azat etilmesi aqta añlaşma alınğanını bildirdi.

Faqat uçucınıñ azat etüv müddeti belgilenmedi.

Evel Poroşenko Minskte imzalanılacaq añlaşmalarğa binayen bütün «mabüsler» üç afta içinde azat etilecegini bildirgen edi.

Moskva Basman mahkemesi fevral 10 künü uçucı Nadejda Savçenkonıñ tevqifini mayıs 13-ne qadar uzatqan edi.

Rusiye akimiyeti Savçenkonı iyün 17 künü Lugansk civarında Rusiye jurnalistleriniñ ölüminde qabaatlay. Ukrain uçucısı qabaatnı red ete ve bundan evel separatistler tarafından zapt etilip, Rusiyege ketirilgenini bildire. Yanvarniñ soñunda Savçenkoğa nisbeten – sıñırdan qanunsız keçüv boyunca cinaiy iş açıldı.

SİZOda Savçenko qanunsız tevqifine narazılığını bildirip, açlıqnı ilân etti.

Yanvarde Savçenkonı PACE vekili olaraq qayd ettiler ve halqara immunitetni berdiler. PACE Rusiye akimiyetini Savçenkonı azat etmege çağırdı.

XS
SM
MD
LG