Rusiye prezidenti Vladimir Putin Ukraina şarqında ateş toqtatuv rejimi fevral 15-den başlanacağını ve ziddiyet noqtasından ağır silâlanuv keri qaytarılacağını bildirdi, haber ete Radіo Svoboda.
Matbuat vastalarınıñ temsilcilerine çıqıp, o, Minsk añlaşmalarınıñ amelge keçirilmesi boyunca qaideler kompleksi aqqında vesiqanıñ imzalanğanı aqta bildirdi.
Ekinci vesiqa – prezidentlerniñ işbu ketişatqa qol tutqanı aqqında arizası daa imzalanmağan.
Putin şunı da bildirdi ki, körüşüvde Ukrainada anaysa islâatınıñ keçirilmesi aqqında añlaştılar. İşbu islâat Donbass sakinleriniñ aqlarını kefil eter edi.
Onıñ aytqanı kibi, Kiyev akimiyeti separatistler ile muzakerelerden vazgeçe eken.
Minsk muzakereleri 17 saat sürdi. «Frenkistan prezidenti François Hollande, Almaniya kantsleri Angela Merkel, Ukraina prezidenti Petro Poroşenko ve Rusiye prezidenti Vladimir Putinniñ körüşüvi fevral 11 künü saat 19:00 başlandı.
