Link açıqlığı

Moskvanıñ Basman mahkemesi fevral 12 künü qırımtatarlarnıñ milliy yetekçisi Mustafa Cemilevniñ işi boyunca adliyeci Mark Feyginniñ arizasını baqacaqtır, haber ete Eho Moskvı.

Feygin Cemilevge Rusiye territoriyasına, şu cümleden, işğal etilgen Qırımğa kiriş yasaqlığını lâğu etmege talap etecek.

Neşirniñ malümatına köre, adliyeci mahkemede bir qaç muracaat arizasını seslendirecek, şu sıradan, Cemilevge Rusiyege kiriş yasaqlığı aqqında habert kâğıtınıñ berilmesi aqta.

Toplaşuv Moskva vaqtına köre saat 17:15 başlanacaq.

Qırımtatarlarnıñ yetekçisi Mustafa Cemilevniñ Rusiye Federal migratsion hızmetine Qırımğa kiriş yasaqlığı aqqında davası boyunca birinci toplaşuv Moskvada yanvar 22 künü keçirilmek kerek edi, amma mahkemeci hasta olğanından sebep fevral 12-ne avuştırıldı.

Mustafa Cemilev mahkemede yeñecegine inanmay, amma er alda işbu küreşinde er bir netice oña yardımcı olur, dep tüşüne.

Cemilevge işğal etilgen yarımadağa kirişi 2014 senesi mayıs ayında yasaq etildi.

XS
SM
MD
LG